地產先生:將軍澳康城 SEA TO SKY 攻略1:環境、景觀、設計大分析

地產先生:將軍澳康城 SEA TO SKY 攻略1:環境、景觀、設計大分析

地產先生為大家追蹤同分析即將發售嘅新盤:SEA TO SKY。攻略 1 會為大家從環境、景觀及設計進行大分析,以客觀角度了解可可做到大家的 Dream House。

位於將軍澳日出康城,由長實發展嘅新盤 SEA TO SKY,屬日出康城第8期。最大賣點在於位置:位於康城西邊臨海地段,可以預期所有西北及西南向嘅單位全線可望海景,而且 SEA TO SKY 嘅海景比之前嘅Marini 及 LP6嘅海景又有好大嘅分別。地產先生為大家準備了區域分析圖(下圖),可以發現,之前發售的 Marini 東南向單位,雖然方向傳統較受歡迎,但海景角度較窄,估計大部份單位東南向單位以望工業邨加小海灣景為主。另一個問題是,康城南部屋苑,包括晉海、LP6、Marini 的向南單位,由於這些屋苑的南邊環澳路,將來會連接將軍澳誇海行車大橋,連接中九龍幹線,預期將來隨著地區發展而變得繁忙,面向環澳路的單位應該會飽受嘈音問題,而西向的 SEA TO SKY 臨海為海濱長廊,地理上理應較優勝。

SEA TO SKY 向海單位又可分向西南及西北兩種,西南望向維港海景、港島杏花邨及柴灣景觀,西北望向將軍澳海灣及將軍澳南海濱。東向望內園單位全數為兩房單位,以規劃圖睇與其他屋苑有一定距離,雖然不及向海單位壯觀,但亦應該不會感到太局促。而難能可貴的,要數第1座及第2座嘅C室西北向2房單位,同樣有全海景景觀,可以估係最搶手嘅單位。

日出康城包含14期,並不是每一期都近港鐵日出康城站。SEA TO SKY另一個賣點係,康城站A出口就在旁邊,可以講係其中一個最近港鐵站嘅屋苑。而大部份未必知道,日出康城除了中央大商場 The Lohas 外,規劃只有第一期首都同第八期 SEA TO SKY 擁有商場,住戶就算想買野食野就更方便。

全項目以偏大嘅單位為主,最細單位係434呎嘅兩房單位,兩房至四房雙套設計真正適合不同嘅家庭需要。地產先生下期會為大家介紹及分析 SEA TO SKY 的間隔,有興趣的朋友記得留意。

優點:

  • 臨海,多戶享有永久海景(西南至西北向)
  • 康城臨海最佳期數,比起LP6等南向寧靜
  • 單位呎數偏大,沒有納米戶
  • 罕有兩房戶全海景
  • 除中央大商場 The Lohas 與第一期的小型商場外,唯一設商場期數
  • 屬距離港鐵康城站較近期數

缺點:

  • 海景戶有西斜問題
  • 兩房戶沒有露台或工作平台(對部分人而言可能屬優點)
  • 多戶型屬黑廁設計
  • 沒有特色單位(低層平台戶及頂層天台戶)

評分:

  • 交通 4
  • 配套 4
  • 景觀 5
  • 間隔 4

【地產先生貼士】為大家介紹樓盤,保證客觀不hard sell,優點缺點全披露,無論你係想買樓嘅準業主,抑或只係想知多啲嘅朋友,一律歡迎。
🤔如想知更多有關 SEA TO SKY 最新資訊及售價及分析,請留言PM👏🏼👏🏼
🤓免費為大家為各新盤提供意見(包括安排參觀示範單位),以專業態度為大家服務🙏🏻🙏🏻

瀏覽各 Sea To Sky 攻略:

分享這個帖子

發表回覆

你的電郵地址並不會被公開。 必要欄位標記為 *